過咗中秋，天氣一轉涼，又到咗「燒雞翼」的最佳時候。近排有幾個朋友都打嚟問我燒烤場有咩好介紹，我生係屯門嘅人、死係屯門嘅鬼，問我有咩好介紹，仲洗問? 一定係龍鼓灘啦。 點知呢位居住香港島的朋友截住我講:「如果係西貢、大埔仔、粉嶺、天水圍、龍鼓灘同小纜就唔洗多介紹嘞， 我淨係想搵個近市區的地方姐。」
想考我? 冇咁易!!!
正當呢個朋友想寸我冇料到，幫唔到佢之際，我即刻打斷佢:「你聽住... 九龍京士柏衛理道10號...菲律賓會無國界食點，每位$118任飲任食。問你死未? 」 雖然我在電話見唔到我朋友個樣，不過我估到佢當時嘅反應一定係... 
上星期日放假，想同細妹食一餐美味嘅lunch，但係又唔留嚮屋企、又想同人地迫、又唔想等位，咁點算呢？ 哈哈...講到「食」又點會難到多多鬼主意嘅我呀! 
最後，我地決定一齊「懷愐過去」...
「發發」唔單止係一間快餐廳，佢仲係一條時光隧道，無論係一張枱、一張櫈、甚至係一條薯條，都充滿著非常強烈嘅80年代感覺。
薯條呀薯條，當年你同我一樣都係16歲扑扑脆。但係點解十幾年後，你就依然「扑扑脆得人愛」，而我就........
汽水呀汽水，當年你"鶯"條鬼命。但係都咁多年，我都已經肥到一個不可收拾嘅地步啦，但係點解你一D都冇長大到，仲係咁細杯嘅？ 攪到我次次都唔夠喉... 你真係好鬼衰架！
去到喇~ 去到喇~ 我終於打破宿命順利踏入迪士尼的領域喇~
早兩日仲係狂風暴雨，我都已經打定輸數，但係我朋友就話試下同「穌哥」傾傾，點知「穌哥」真係顯靈。當日朝早搭緊車嘅時候個天仲落緊雨，點知當我地一踏入門口之後，雨就立即停了，烏雲亦慢慢散開。到中午時份，太陽伯伯可能收到「穌哥」指示，立即大發神威將我地曬到成隻「屐」咁。
穌哥~穌哥~ 其實只要唔係狂風暴雨、唔係八號風球、唔係黑色雷暴警告就已經夠架啦，唔洗勞煩太陽伯伯開行Turbo架。
雖然果日有好多人入場，樣樣野都要排30-45分鐘，不過好彩我地都可以玩到2次Space Mountain。你睇下~ 我同細妹都有一齊望鏡頭同「V」手勢架，只不過俾前面果位兄台遮住晒~你知唔知道邊個係我呀? 
等咗呢日好耐啦，因為我終於可以約到 long time no see嘅肥仔同我一齊去睇【Long Time No See】。 原來我地拍拖 6年，今次先至係第一次一齊去睇演唱會咋....!
今次演唱會嘅內容、兩位天師嘅造型、舞台嘅設計，我諗都唔需要點樣再講啦，因為我相信有好多人都已經睇過。但係如果你買唔到飛嘅，不妨睇下以下blogger的文章啦 (原諒我呢個懶人吧!):
生活感覺 軟硬 Long Time No See 演唱會
今次演唱會嘅內容、兩位天師嘅造型、舞台嘅設計，我諗都唔需要點樣再講啦，因為我相信有好多人都已經睇過。但係如果你買唔到飛嘅，不妨睇下以下blogger的文章啦 (原諒我呢個懶人吧!):
生活感覺 軟硬 Long Time No See 演唱會
Kannie's 遊樂王國 軟硬演唱會
smile again...& again long time no see ‧軟硬
.......................Me 軟硬+Eason+10號風
little_villa 日記 軟硬天師 oooo Long Time No See...
雖然阿葛嘅舞步有點...
，阿Jan嘅歌喉有點...
但呢個卻係我有史以來睇得最開心嘅演唱會。
，阿Jan嘅歌喉有點... 但呢個卻係我有史以來睇得最開心嘅演唱會。記得當晚阿Jan講過:「你地可能由13歲開始聽我地做節目，而家都已經成30歲嘞。但係今日....只要你地入到嚟呢到，你地就會即刻返番去13歲...」
畢竟，由佢地在《飛越癲狂院》報『市場價格』嘅時候，我只係一個12歲嘅無知可愛小女孩，已經變成今日一個29歲嘅肥女人了。
